जारी विश्वकपमा को-को छन् गोल्डेन बुटका दाबेदार?

काठमाडौं- जारी फिफा विश्वकपमा गोल्डेन बुटका लागि इंल्यान्डका ह्यारी केन गोल्डेन दौडमा छन् ।  उनले जारी विश्वकपको  क्वार्टरफाइनल समीकरण पूरा भएसँगै  ६ गोल गरेका छन्। गोल्डेन बुटका लागि भने उनलाई त्यति सजिलो छैन। 

किनकि, धेरै खेलाडी यसका दाबेदार बन्न सक्छन्।  केनले ट्युनिसियासँगको खेलमा ह्याट्रिक गरेका थिए। जारी  विश्वकपको त्यो दोस्रो ह्याट्रिक पनि  हो।

पहिलो ह्याट्रिक क्रिस्टियानो रोनाल्डोले स्पेनविरुद्धको खेलमा गरेका थिए। जबकि, पोर्चुगलका स्टार क्रिस्टियानो रोनाल्डोले चार गोल गर्दै टोली नै बाहिरिए पनि बेल्जियमका रोमेलु लुकाकुले चार गोल गरेका छन्। 

निकै लयमा रहेका लुकाकु शुक्रबार हुने ब्राजिलसँगको क्वार्टरफाइनलमा थप गोल गर्ने दाउमा हुने छन्।

यस्तै, रूसका आर्टेम डिज्युबा र डेनिस चेरसेस्भ, उरुग्वेका एडिन्सन कभनी, र फ्रान्सका केलियन बाप्पेले समान ३-३ गोल गरेका छन्।