सप्तकोशीमा पानीको वहाव वर्षकै उच्च, ब्यारेजमा रातो झण्डा

सुनसरी- दुर्इ दिनदेखि भएको अविरल वर्षाका कारण सप्तकोशीमा पानीको वहाव यस वर्षकै उच्च मापन गरिएको छ। बिहिबार दिउँसो तीन बजेको मापन अनुसार सप्तकोशीमा एक लाख ५४ हजार क्युसेक पानीको वहाव रहेको जनाइएको छ। 

सामान्यतया एक लाख पचास क्युसेक पानीको वहाव भएमा सप्तकोशीमा खतराको सुचक मानिन्छ। पानीको वहाव एक लाख पचास हजारभन्दा माथि भएपछि व्यारेजमा खतराको सूचक रातो बत्ती बालिएको छ।

ब्यारेजको पूर्व र पश्चिम किनारमा दुई वटा रातो झण्डा गाडिएको छ। ब्यारेजका ५२ मध्ये २४ ढोका खोलिएका छन्।