कस्तो रहला आजको मौसम?

 काठमाडौं- हाल नेपालमा अरब सागरमा बनेको निम्न चापीय क्षेत्रको आंशिक प्रभाव रहेको छ। जसले गर्दा आज देशभरको मौसममा बदली रहने जल तथा मौसम पूर्वानुमान महाशाखाले जनाएको छ। 

सुदूरपश्चिम, कर्णाली, लुम्बिनी र गण्डकी प्रदेशका भूभागमा सामान्य बदली तथा बाँकी प्रदेशका भूभागमा आंशिकदेखि सामान्य बदली रहने महाशाखाको पूर्वानुमान छ।

सुदूरपश्चिम, कर्णाली, लुम्बिनी र गण्डकी प्रदेशका एक–दुई स्थानमा हल्का वर्षाको सम्भावना रहेको समेत महाशाखाले जनाएको छ। यस्तै देशका उच्च पहाडी तथा हिमाली भूभागका केही स्थानमा हल्कादेखि मध्यम हिमपातको सम्भावना रहेको छ ।  

आज राति पनि सुदूरपश्चिम, कर्णाली, लुम्बिनी र गण्डकी प्रदेशका भूभागमा सामान्य बदली तथा अन्य प्रदेशका भूभागमा आंशिकदेखि सामान्य बदली रहने छ।

कर्णाली र गण्डकी प्रदेशका केही स्थानमा राति वर्षाको पनि सम्भावना छ। यस्तै उच्च पहाडी तथा हिमाली भू-भागका थोरै स्थानहरूमा हल्कादेखि मध्यम हिमपातको सम्भावना रहेको छ।