तालिबानको आगमनपछि अफिम उत्पादन ८ प्रतिशतले बढ्यो

काबुल- अफगानिस्तानमा तालिबानले कब्जा गरेपछि अफिम उत्पादनमा कीर्तिमानी वृद्धि भएको छ।

संयुक्त राष्ट्रसंघको प्रतिवेदन अनुसार त्यहाँ लगातार पाँचौं वर्ष अफिम उत्पादन ६ हजार टन नाघेको छ। यस वर्ष ६ हजार ८ सय टन अफिम उत्पादन भएसँगै यो वर्ष ८ प्रतिशतले वृद्धि भएको हो। अगस्तमा राज्य नियन्त्रणमा लिएको तालिबानले सेप्टेम्बरमा नै अफिमको मूल्य बढाएको थियो।

प्रतिवेदनमा भनिएको छ, ‘२०२२ मा अफिम बाली नोभेम्बर २०२१ मा किसानहरूले लिएका निर्णयहरूमा आधारित हुनेछ।’ अफगानिस्तानले यस वर्ष अफिमबाट १३ हजार करोडदेखि २० हजार करोड रुपैयाँ कमाएको छ। हेरोइन, मेथाम्फेटामाइन, मोर्फिन र कोकेन लगायत अफिमबाट धेरै किसिमका लागूऔषध बनाइन्छ।

अफगानिस्तानले विश्वव्यापी अफिम उत्पादनको लगभग ८७ प्रतिशत ओगटेको छ र सबैभन्दा ठूलो उत्पादक हो। लागुऔषधको अवैध उत्पादन रोक्न अमेरिकाले ६६ हजार करोड लगानी गर्‍यो र दुई दशकको प्रयासमा पनि त्यसमा कमी आउन सकेको छैन। -दैनिक भास्कर