युगाण्डामा दुईवटा आत्मघाती बम विस्फोट

युगाण्डाको राजधानी काम्पालामा दुईवटा आत्मघाती बम विस्फोट गराइएको छ। उक्त विस्फोटमा तीन जनाको मृत्यु भएको छ भने ३३ जना घाइते भएको अलजजिराले जनाएको छ।

नेपाल समय | मंगलबार, कात्तिक ३०, २०७८

नेपाल समय

मंगलबार, कात्तिक ३०, २०७८

काम्पाला- युगाण्डाको राजधानी काम्पालामा दुईवटा आत्मघाती बम विस्फोट गराइएको छ। उक्त विस्फोटमा तीन जनाको मृत्यु भएको छ भने ३३ जना घाइते भएको अलजजिराले जनाएको छ।

प्रहरी प्रवक्ता फ्रेड इनाङ्‌माका अनुसार घाइते ३३ जनामध्ये पाँच जनाको अवस्था गम्भीर रहेको छ। दुईवटा आत्मघाती विस्फोटमध्ये एउटा संसद् भवन नजिक र अर्को प्रहरी चौकी नजिक विस्फोट गराइएको जनाइएको छ।

पहिलो पटक प्रहरी चौकी नजिक गराइएको विस्फोटमा दुई जनाको मृत्यु भएको र संसद् भवन नजिक भएको विस्फोटमा एक जनाको मृत्यु भएको बताइएको छ।

युगाण्डाको संसद् भवनतर्फको सडक अहिले सर्वसाधारणका लागि बन्द गराइएको छ। उक्त विस्फोटको जिम्मेवारी हालसम्म कसैले पनि लिएको छैन।

प्रकाशित: Nov 16, 2021| 21:21 मंगलबार, कात्तिक ३०, २०७८