मुगुको गमगढी बजारमा आगलागी, टहरासहित २१ घर जले

काठमाडौं- मुगुको सदरमुकाम गमगढी बजारमा गएराती आगलागी भएको छ। आगलागीबाट केही टहरासहित २० घर जलेका छन्। 

राती पौने १२ बजेतिर आगलागी भएको जिल्ला प्रहरी कार्यालय मुगुले जनाएको छ। मुगुका प्रहरी उपरीक्षक चित्रबहादुर भट्टराईका अनुसार आगलागीबाट टहरासहित २० घर जलेका छन्। आगो मंगलबार बिहान नियन्त्रणमा आइसकेको छ। आगलागीबाट मानविय क्षति भएको छैन।

दमकल नहुदा आगो नियन्त्रणमा ल्याउन समस्या भएको थियो। आगलागि भएको करिब ५ घण्टापछि स्थानीय र प्रहरीले आगो नियन्त्रणमा लिएका हुन्। स्थानीय ठिन्ले लामाको घरबाट आगो लागेको हुन सक्ने प्रहरीको अनुमान छ। अहिले क्षतिको विवरण संकलन भइरहेको प्रहरीले जनाएको छ।