दुबई- रूसले सन् २०२१ भित्रै १० अर्ब डलरभन्दा बढीका हातहतियार निर्यात गर्ने सम्झौतामा हस्ताक्षर गरेको छ। रूसले कोभिड-१९ महामारीको बाबजुद १० अर्ब डलरभन्दा बढीको हतियार निर्यात गर्ने सम्झौतामा हस्ताक्षर गरेको हो।
सैन्य-प्राविधिक सहयोगका लागि संघीय सेवाका निर्देशक दिमित्री सुगाएभका अनुसार रुससँग हतियार किन्नका लागि गरिएको अर्डर ५५ अर्ब डलरभन्दा बढी पुगेको छ।
'महामारीजन्य कठिनाइ भएपनि हाम्रा साझेदारको अन्तरक्रिया दिगो र रचनात्मक छ। नयाँ सम्झौताको मात्रा १० अर्ब अमेरिकी डलर नाघेको छ,' सुगाएभले भने, '५५ अर्ब डलरको स्तरमा अर्डर पोर्टफोलियो पुगेको छ।' रासस/एएनआई