विश्वकप छनोटमा अर्जेन्टिनाले उरुग्वेलाई हरायो

काठमाडौं– अर्को वर्ष कतारमा हुने फिफा विश्वकप २०२२ अन्तर्गत शनिबार बिहान सम्पन्न खेलमा अर्जेन्टिनाले उरुग्वेलाई हराएको छ। अर्जेन्टिनाले उरुग्वेको घरेलु मैदानमै उसलाई १–० गोलअन्तरले हराएको हो।

अर्जेन्टिनाको जितमा मिडफिल्डर डी मारियाले निर्णायक गोल गरे। खेलको सातौं मिनेटमा डी मारियाले गरेका गोल नै खेलको निर्णायक गोल बन्यो। अर्जेन्टिना उरुग्वेको पोस्टतर्फ ७ प्रहार गरे पनि अन्य गोल गर्न सकेन।

यता खेल अवधिभर ३५ प्रतिशत समय मात्र बलमा पकड बनाएर अर्जेन्टिनाको पोस्टतर्फ १९ प्रहार गरे पनि उरुग्वेका कुनै प्रहार सफल भएनन्।

त्यसैले यो पराजयसँगै उरुग्वे छैटौं स्थानमा छ। उसले १३ खेलबाट १६ अंक जोडेको हो। समान १६–१६ अंक भएका चिली र कोलम्बिया चौथो र पाँचौं स्थानमा छन्।

यता अर्जेन्टिना भने २८ अंकका साथ दोस्रो स्थानमा छ। ऊ अहिले विश्वकप छनोटको नजिक पुगेको छ। यता, शीर्षस्थानको ब्राजिलले भने विश्वकपमा आफ्नो स्थान बनाइसकेको छ।