आज बस्ने सुदूरपश्चिम प्रदेश कमिटीको बैठक अवैध हो : भीम रावल

काठमाडौं- नेकपा एमालेका उपाध्यक्ष भीम रावलले आज बस्ने भनिएको नेकपा एमालेको सुदूरपश्चिम प्रदेश कमिटीको बैठक अवैध भएको बताएका छन्।

उनले सामाजिक सञ्जाल ट्वीटरमार्फत एमाले सुदूरपश्चिम प्रदेश कमिटीको बस्ने भनिएको बैठक अवैध भएको बताएका हुन्। 'आज बस्ने भनिएको बैठक १० बुँदे सहमति र अन्तर पार्टी निर्देशन विपरीत छ,'उनले भने।

उनले बैठकलाई गुटबन्दीको नमुना भएको बताएका छन्। आजका बैठकको निर्णय अमान्य हुने रावलको भनाइ छ। रावलले अन्तर पार्टी निर्देशन झापामा लागू हुने तर सुदूरपश्चिममा किन लागू नहुने भन्दै प्रश्न पनि गरेका छन्।

आज हुने भनिएको कथित सु.प. प्रदेश कमिटीको बैठक १० बुँदे सहमति र त्यसको कार्यान्वयनका लागि जारी अपानि १२ को विपरीत छ।यो गुटबन्दीको नमूना हो।यो बैठक र यसका निर्णयहरू अवैध र अमान्य छन्।अपानि १२ झापामा लागु हुने, सु.प.मा लागु नहुने किन? यहाँको भूमि वाह्य अतिक्रमणमा परेकोले हो कि?

— Dr. Bhim Rawal (@BhimRawal179) November 9, 2021