कर्णालीको मुख्यमन्त्रीमा कांग्रेसका शाही नियुक्त

सुर्खेत- कर्णाली प्रदेशको मुख्यमन्त्रीमा नेपाली कांग्रेस संसदीय दलका नेता जीवनबहादुर शाही नियुक्त भएका छन्।

संविधानको धारा १६८ को उपधारा (२) बमोजिम प्रदेश प्रमुख गोविन्दप्रसाद कलौनीले उनलाई मंगलबार राति पौने ८ बजेतिर शाहीलाई मुख्यमन्त्रीमा नियुक्त गरेका हुन्। नवनियुक्त मुख्यमन्त्री शाहीले अहिले ८ः३० बजे नै सपथ ग्रहण गर्दैछन्।

सोमबार महेन्द्रबहादुर शाहीले मुख्यमन्त्रीबाट राजीनामा दिएपछि प्रदेश कलौनीले आज (साँझ ७ः३०) बजेभित्र बहुमतसहित मुख्यमन्त्रीका लागि दावी पेश गर्न दलहरुलाई आह्वान गरेका थिए।

निर्धारित समयमा शाहीको एकल दाबी पेस भएको थियो। उनलाई तीन दलीय गठबन्धन (नेपाली काँग्रेसका ६, माओवादी केन्द्रका १२ र नेकपा एकीकृत समाजवादीका ३ जना सांसदहरू)ले समर्थन गरेका छन्।