२१ सांसदको समर्थनसहित कर्णालीको मुख्यमन्त्रीमा जीवनबहादुर शाहीको दाबी पेस

सुर्खेत– कर्णाली प्रदेशको मुख्यमन्त्रीका लागि का‌ग्रेस संसदीय दलका नेता जीवबहादुर शाहीले दाबी पेस गरेका छन्। २१ जना सांसदको समर्थनसहित मंगलबार शाहीले प्रदेश प्रमुख गोविन्दप्रसाद कलौनीसँग दाबी पेस गरेका हुन्। उनलाई तीन नेपाली कांग्रेसका ६, माओवादी केन्द्रका १२ र नेकपा एकीकृत समाजवादीका ३ जना सांसदहले समर्थन गरेका छन्।

सोमबार महेन्द्रबहादुर शाहीले मुख्यमन्त्रीबाट राजीनामा दिएपछि प्रदेश प्रमुख कलौनीले आज साँझ ७ः३० बजेभित्र बहुमतसहित मुख्यमन्त्रीका लागि दाबी पेस गर्न दलहरुलाई आह्वान गरेका थिए।

४० सदस्यीय प्रदेशसभामा हाल ३५ सदस्यीयमा झरेको छ। ३५ मध्ये १८ जना सांसदको समर्थन भए सरकार गठनका लागि बहुमत पुग्छ। यही कारण कांग्रेसका शाही कर्णाली प्रदेशको मुख्यमन्त्री बन्ने निश्चित छ। आज साँझ नै शाही कर्णाली प्रदेशको मुख्यमन्त्रीका रुपमा नियुक्त हुनेछन्। शपथ र मन्त्रीहरुको नियुक्ति भने बुधबार मात्रै हुने गठबन्धनका सांसदहरु बताउँछन्।