इटालियन सिरी एमा नापोली र मिलान क्लबको जित

काठमाडौं- इटालीको शीर्ष डिभिजन फुटबल लिग सिरी एमा नापोली र मिलानका दुई ठूला क्लबले जित निकालेका छन्।

आइतबार राति सम्पन्न खेलमा नापोलीका साथै इन्टर मिलान र एसी मिलानले जित निकालेका हुन्।

घरेलु मैदान सान सिरो रंगशालामा भएको खेलमा इन्टरले उडिनेसलाई २–० गोलले पराजित गरेको हो। इन्टरको जितका लागि जोआक्विन कोरियाले दोस्रो हाफमा दुवै गोल गरेका हुन्।

आइतबारकै अर्को खेलमा १० खेलाडीमा समेटिएको एसी मिलानले रोमालाई २–१ गोलअन्तरले हराएको छ। रोमाको ओलम्पिकको रंशालामा भएको खेलमा ज्वालटन इब्राहिमोविच र एफ केजीले मिलानका लागि गोल गरेका थिए।

यता रोमाका पराओनले एक गोल फर्का। खेलको ६६औं मिनेटमै थियो हर्नान्डेजले दोहोरो पहेँलो कार्ड पाएपछि मिलान १० खेलाडीमा समेटिएको थियो।

सिरी ए मै शीर्षस्थानको नापोलीले आइतबार राति सेलरनिटनालाई १–० गोलले हराएको छ। दोस्रो हाफमा दुवै टिमका १–१ खेलाडीले रातो कार्ड पाएको खेलमा नापोलीले जित निकालेको हो।

आइतबार रातिको जितसँगै शीर्षस्थानको नापोली र दोस्रो स्थानको एसी मिलानको समान ३१–३१ अंक छ। २४ अंक बनाएको साविक विजेता इन्टर मिलान २४ अंकका साथ तेस्रो स्थानमा छ।

गएराति पराजित रोमा चौथो स्थानमा छ भने सेलरनिटना रेलिगेनस जोनमा छ। उडिनेश १४औं स्थानमा छ।