डब्लूएचओ प्रमुख र रुसी विदेश मन्त्रीबीच भेटवार्ता

विश्व स्वास्थ्य संगठन (डब्लूएचओ) का महानिर्देशक टेड्रोस अधानोम गेब्रेयससले आइतबार रुसी विदेशमन्त्री सर्गेई लाभरोभसँग भेट गरेका छन्।

नेपाल समय | सोमबार, कात्तिक १५, २०७८

नेपाल समय

सोमबार, कात्तिक १५, २०७८

डब्लूएचओ प्रमुख र रुसी विदेश मन्त्रीबीच भेटवार्ता

रुसी विदेशमन्त्री सर्गेई लाभरोभ।

मस्को- विश्व स्वास्थ्य संगठन (डब्लूएचओ) का महानिर्देशक टेड्रोस अधानोम गेब्रेयससले आइतबार रुसी विदेशमन्त्री सर्गेई लाभरोभसँग भेट गरेका छन्।

भेटका क्रममा उनीहरुबीच विश्वव्यापी स्वास्थ्य संरचनालाई सुदृढ गर्ने विषयमा छलफल भएको जनाइएको छ।

विश्व स्वास्थ्य संगठनको मुख्य भूमिकालाई केन्द्रमा राखेर स्वास्थ्यसँग सम्बन्धित जटिलता र सम्भावित खतरा रोक्न सहमति भएको जनाइएको छ। साथै आगामी विश्व स्वास्थ्य सम्मेलनको विशेष सत्रमा महामारी नियन्त्रणको तयारीसम्बन्धी अन्तरराष्ट्रिय सम्झौताबारे पनि छलफल भएको रुसी सञ्‍चारमाध्यमहरुले जनाएका छन्।

यो भेट हालै देशमा बढ्दो कोरोना भाइरसको सङ्क्रमणका बीच भएकाले अर्थपूर्णरूपमा हेरिएको छ। रुसमा शनिबार मात्रै ४० हजार २५१ जना नयाँ सङ्क्रमित फेला परेका छन् भने एक हजार १६० जनाको मृत्यु भएको छ।

प्रकाशित: Nov 01, 2021| 00:15 सोमबार, कात्तिक १५, २०७८