पालिकास्तरीय फुटबल प्रतियोगिताको उपाधि म्याङलुङलाई

तेह्रथुमको लालिगुराँस नगरपालिकामा सञ्चालित पालिकास्तरीय फुटबल प्रतियोगिताको उपाधि माङलुङ नगरपालिकाले हात पारेको छ।

नेपाल समय | आइतबार, कात्तिक १४, २०७८

नेपाल समय

आइतबार, कात्तिक १४, २०७८

पालिकास्तरीय फुटबल प्रतियोगिताको उपाधि म्याङलुङलाई

तेह्रथुम- तेह्रथुमको लालिगुराँस नगरपालिकामा सञ्चालित पालिकास्तरीय फुटबल प्रतियोगिताको उपाधि म्याङलुङ नगरपालिकाले हात पारेको छ।

शनिबार भएको फाइनल खेलमा सहिदभूमि गाउँपालिकालाई ०-१ गोलले पराजित गर्दै म्याङलुङले उपाधिमाथि कब्जा जमाएको हो।

फाइनल खेलको २६औं मिनेटमा म्याङलुङका मोहन तामाङले गरेको एक मात्र गोलले भाग्य निर्धारण गरेको थियो। म्याङलुङले उपाधिसँगै १ लाख नगद, प्रमाणपत्र, मेडल प्राप्त गरेको छ।

उपविजेता सहिदभूमिले नगद ५० हजार प्रमाणपत्र र मेडलमा चित्त बुझाएको छ। विजेता र उपविजेता टिमलाई लालिगुराँस नगपालिकाका मेयर अर्जुन माबोहाङले पुरस्कार प्रदान गरेका थिए। प्रतियोगिता ७ कात्तिकबाट सुरु भएको थियो।

प्रतियोगितामा तेह्रथुमसहित धनकुटा, संखुवासभा, मोरङका ११ पालिकाको सहभागिता थियो।