१५ दिनभित्र एक करोड डोज फाइजर र मोडर्ना खोप आउँछ : स्वास्थ्यमन्त्री

स्वास्थ्य तथा जनसंख्यामन्त्री विरोध खतिवडाले १५ दिनभित्र फाइजर र मोडर्नाको एक करोड डोज खोप आउने बताएका छन्।

नेपाल समय | बिहीबार, कात्तिक ११, २०७८

नेपाल समय

बिहीबार, कात्तिक ११, २०७८

१५ दिनभित्र एक करोड डोज फाइजर र मोडर्ना खोप आउँछ : स्वास्थ्यमन्त्री

काठमाडौं- स्वास्थ्य तथा जनसंख्यामन्त्री विरोध खतिवडाले १५ दिनभित्र फाइजर र मोडर्नाको एक करोड डोज खोप आउने बताएका छन्।

मन्त्रालयमा पत्रकारसँग उनले भने, 'एक करोड डोज फाइजर र मोडर्नाको बुक गरेका छौं। १५ दिन भित्र ल्याउने हो। हालसम्म दुई करोड खोप आएको छ।'

नेपाली जनतालाई खोप छिटो लगाउन सरकार लागिपरेको उनले बताए । 'खोपबाट कोही पनि वञ्चित नहुने र छिटो लगाउने हो। खोप लगाउने कार्य रोक्किनु हुँदैन', उनले भने, 'हालसम्म ४५ प्रतिशतले एक डोज र ३१ प्रतिशतले दुई डोज खोप लगाएका छन्।'

चैतभित्र सबै नागरिकलाई खोप लगाउन सकिने उनको भनाइ छ । 'दुई करोड खोप पाइप लाइनमा छ। चैतसम्म लक्षित नागरिकले पाउँछन्,' उनले भने।

प्रकाशित: Oct 28, 2021| 13:21 बिहीबार, कात्तिक ११, २०७८