५९ सांसदको समर्थनसहित राजेन्द्र पाण्डेद्वारा मुख्यमन्त्रीका लागि दाबी पेस

हेटौँडा- बागमती प्रदेशका मुख्यमन्त्रीका लागि नेकपा (एकीकृत समाजवादी) पार्टीका नेता राजेन्द्र पाण्डेले दावी पेस गरेका छन्। ५९ सांसदको समर्थनसहित उनले केही बेरअघि मुख्यमन्त्रीका लागि दावी पेस गरेका हुन्।

१०९ सांसद रहेको बागमती प्रदेशमा मुख्यमन्त्री बन्नका लागि ५५ मत आवाश्यक पर्छ। योसँगै पाण्डे मुख्यमन्त्री हुने करिब निश्चित भएको छ। 

प्रदेश प्रमुख यादवचन्द्र शर्माले बुधबार दिउँसो मात्रै बागमती प्रदेशमा नयाँ सरकार गठनका लागि आह्वान गरेका थिए। मुख्यमन्त्री अष्टलक्ष्मी शाक्यले राजीनामा दिएको घोषणा प्रदेशसभामा गरेपछि प्रदेश प्रमुख शर्माले भोलि बिहीबार दिउँसो ३ बजेसम्मको समय दिएर मुख्यमन्त्री पदमा दाबी गर्न आह्वान गरेका थिए।