जिप दुर्घटनामा १२ जना घाइते

सुर्खेत– सल्यानमा बुधबार जिप दुर्घटना भएको छ। कुमाख गाउँपालिका–२ मर्मपरिकाँडाबाट नेपालगन्ज जाँदै गरेको भे १ ज ९३० नम्बरकोे जिप दुर्घटना भएको हो। 

दुर्घटनामा परी १२ जना यात्रु घाइते भएका छन्। घाइते हुनेहरुमा कुमाख गाउँपालिका–२ का ३६ वर्षिय बुद्धि थापा, ३३ वर्षिय पूर्णबहादुर बुढा, ३२ वर्षीया लोकमाया पुन, कुमाख–१ का ३० वर्षिय इन्द्रबहादुर चन्द, २९ वर्षिय विशाल विक, सिद्धकुमाख गाउँपालिका–४ का २१ वर्षिय दिलबहादुर चलाउने, २० वर्षीया दुर्गा चलाउने, २ वर्षिय प्रशान्त चलाउने, गाडी चालक कुपिण्डे नगरपालिका– ४ बस्ने २४ वर्षिय लालबहादुर बुढा, बनगाड कुपिण्डे– ४ का २९ वर्षिय पिपर बुढा र कैलालीको लम्कीचुवा नगरपालिका–३ का २८ वर्षिय देवबहादुर बस्नेत छन्। 

उनीहरुमध्ये बुद्धि, पूर्ण र लोकमायाको अवस्था गम्भीर रहेको जिल्ला प्रहरी कार्यालय सल्यानका प्रवत्तmा अर्जुन पौडेलले जानकारी दिए। घाइतेहरुको सल्लीबजारमा उपचार भइरहेको छ। दुर्घटनापछि चालकलाई घाइते अवस्थामा प्रहरीले नियन्त्रणमा लिएको छ।