काठमाडौं- नेपाली मुक्केवाज सनिल शाही आइबा पुरुष विश्व बक्सिङ च्याम्पियनसिपको अन्तिम ३२ मा प्रवेश गरेका छन्।
सोमबार सम्पन्न खेलबाट सनिल अन्तिम ३२ मा प्रवेश गरेका हुन्। सर्बियाको बेलग्रेडमा भइरहेको प्रतियोगिताको ६७ केजीमा इराकका अल ओहाइडीबाट वाक ओभर पाउदै सनिल अन्तिम ३२ मा प्रवेश गरेको नेपाल बक्सिङ संघका प्रवक्ता श्याम अवालेले जनाए।
सनिलले अक्टोबर २८ तारिखमा आयोजक सर्बियाका अब्बासोभ भाकिडसंग प्रतिस्पर्धा गर्ने छन्। प्रतियोगितामा सनिलसहित चार नेपाली खेलाडी सहभागी छन्।