जापानी राजकुमारी माको जसले प्रेमीसँग बिहे गरेर शाही पदवी गुमाइन्

काठमाडौं– जापानकी राजकुमारी माकोले प्रेमी केई कोमुरोसँग विवाह गरेकी छन्। सर्वसाधारणसँग बिहे गरेपछि उनको शाही पदवी गुमेको छ। जापानको कानुनअनुसार सर्वसाधारण जनतासँग विवाह गर्दा राजपरिवारका महिला सदस्यको शाही हैसियत गुम्छ तर पुरुष सदस्यको हकमा भने त्यसो हुँदैन। 

माकोले राजपरिवारका सदस्यको विवाहका बेला गरिने परम्परागत विधि पनि अवलम्बन गरिनन्। यस्तै राजपरिवारबाट बिदा हुँदा महिला सदस्यले पाउने नगद पनि अस्वीकार गरेकी छन्। यी दुवै कुरा परित्याग गर्ने उनी जापानी राजपरिवारकी प्रथम महिला सदस्य बनेकी छन्। 

कोमुरो र माको कलेजका सहपाठी हुन्। कोमुरो अमेरिकामा वकालती गर्छन्। अब नवविवाहित दम्पती अमेरिका गएर बस्ने अनुमान छ।