भेट्रान्स फुटबलमा फर्पिङ र बनिमण्डलको जित

काठमाडौं- काठमाडौंमा जारी मेयर कप भेट्रान्स फुटबल प्रतियोगितामा फर्पिङ स्पोर्ट्स डेभलपमेन्टले जित निकालेको छ। त्रिपुरेश्वरस्थित दशरथ रंगशालामा जारी खेलमा फर्पिङले फुटबल फेलोसिपविरुद्ध सानदार जित निकालेको हो।

फर्पिङले ११–० गोलअन्तरको जित निकाल्दा निरज श्रेष्ठले सर्वाधिक ५ गोल गरे। यता, गणेश लावतीले ह्याट्रिक गरे भने नर कुमार राईले दुई गोल गरे।

एक गोल गर्नेमा अनिल गुरुङ र सल्यान खड्गी रहे। खेलमा गणेश लावतीले म्यानअफ दि म्याचको अवार्ड जिते। फर्पिङले सानदार जित निकाल्द फुटबल फेलोसिपले भने लगातार दोस्रो हार बेहोरेको छ।

उसले पहिलो खेलमा पनि हार बेहोरेको थियो।  आजकै दोस्रो खेलमा भने बनिमण्डल फुटबल क्लबले वि आर ब्रदर्सलाई १–० गोलले हराएको छ। दशरथ रंगशालामै भएको खेलमा बनिमण्डलले जित निकालेको हो।

आजकै तेस्रो खेलमा भने एसएनकेसीले बौद्ध भेट्रान्सलाई ४–० गोलअन्तरले हराएको छ। एसएनकेसीका लागि विभोर गुरुङ, नितिन गुरुङ, सुरेन्द्र बहादुर तामाङ र रमेश सिन्कमानले गोल गरे।