१० खेलाडीमा समेटिएको पीएसजी मार्सेल्लीसँग बराबरीमा रोकियो

काठमाडौं- फ्रान्सको शीर्ष डिभिजनको फुटबल लिग वानमा पेरिस सेन्ट जर्मेन पीएसजी निकट प्रतिद्वन्द्वी क्लब मार्सेल्लीसँग बराबरीमा रोकिएको छ। मार्सेल्लीको मैदानमा आइतबार राति सम्पन्न खेलमा पीएसजीले घरेलु टिमसँग गोलरहित बराबरी खेलेको हो।

खेलको ५७औं मिनेटमा पीएसजीका डिफेन्डर आर्चिफ हाकिमीले सिधा रातो कार्ड पाएपछि उनी मैदानबाट बाहिरिएका थिए। त्यसपछि पीएसजी १० खेलाडीमा समेटियो।

१० खेलाडीमा समेटिए पनि ५२ प्रतिशत समय बलमा नियन्त्रण बनाएको पीएसजीले मार्सेल्लीको पोस्टतर्फ १० प्रहार गरेको थियो। पीएसजीले सुरुआति रोजाइमा अग्रभागमा केलियन एम्बाप्पेसहित, नेयमार, लियोनेल मेस्सी र डि मारियालाई उतारे पनि उनीहरूले गोल गर्न सकेनन्।

यता पोस्ट अटेम्प्टमा घरेलु टिम अघि रह्यो। मार्सेल्लीले पीएसजीको पोस्टतर्फ १५ प्रहार गरे पनि उसले गोल गर्न सकेन।

यो बराबरीसँगै पीएसजी शीर्षस्थानमा कायम छ। मार्सेल्ली भने १८ अंकका साथ चौथो स्थानमा छ।