काठमाडौं– युवा खेलाडी हेमन्त थापा मगर दुई वर्षका लागि थ्रीस्टार फुटबल क्लबमा अनुबन्धित भएका छन्। उनले आज आइतबार थ्रीस्टार क्लबसँग दुई वर्षका लागि सम्झौता गरेका हुन््।
२३ वर्षे युवा खेलाडीले पछिल्लो सागमा नेपालका लागि खेलेका थिए। उनले १३ औं दक्षिण एसियाली खेलकुदमा स्वर्ण पदक जितेका थिए। त्यस्तै उनले राष्ट्रिय टिमबाट यू १३, यू १४ र यू १६ को प्रतिनिधित्व पनि गरिसकेका छन्।
थ्रीस्टारले फरवार्ड विजय भुजेल, आयुष घलान, डिफेन्डर ब्रिकम लामा, संजोक राई, रितिक खड्का लगायतका खेलाडीलाई क्लबमा अनुबन्ध गरिसकेको छ। उसले विदेशी खेलाडीका रुपमा येविस प्रिसो र राफेड बिडियस रिमलाई पनि क्लबमा अनुबन्ध गरिसकेको छ।