गजुरीमा गुडिरहेको बसमा आगलागी

सुर्खेतबाट काठमाडौंतर्फ आउँदै गरेको ना६ख १४७१ नम्बरको यात्रुबाहक बसमा आइतबार बिहान दुई बजे पृथ्वी राजमार्गअन्तर्गत गजुरी बजारमा एक्कासी आगलागी भएको धादिङ प्रहरीले जनाएको छ।

नेपाल समय | आइतबार, कात्तिक ७, २०७८

नेपाल समय

आइतबार, कात्तिक ७, २०७८

काठमाडौं- धादिङको गजुरीमा गुडिरहेको बसमा आगलागी भएको छ। सुर्खेतबाट काठमाडौंतर्फ आउँदै गरेको ना६ख १४७१ नम्बरको यात्रुबाहक बसमा आइतबार बिहान दुई बजे पृथ्वी राजमार्गअन्तर्गत गजुरी बजारमा एक्कासी आगलागी भएको धादिङ प्रहरीले जनाएको छ।

बसमा पूर्णरुपमा क्षति पुगेको र ३६ जना यात्रु भने सकुशल रहेको प्रहरीले जनाएको छ। इन्जिनबाट धुँवा निस्किने बित्तिकै बस रोकेर यात्रुहरू बाहिर निकालेका कारण कुनै मानवीय क्षति हुन नपाएको प्रहरीको भनाइ छ।

गजुरी बजारमा गुडिरहेको बेला बसमा एक्कासी आगलागी भएको धादिङ प्रहरीले जानकारी दिएको छ। बसमा आगो लाग्नुको कारण खुलेको छैन। यद्यपि वायरिङमा सट भएर आगो लागेको हुनसक्ने प्रहरीको अनुमान छ।

प्रकाशित: Oct 24, 2021| 08:24 आइतबार, कात्तिक ७, २०७८