टी–२० विश्वकपमा इंग्ल्यान्डका बलर हाबी भएपछि वेस्ट इन्डिजमाथि सानदार जित

काठमाडौं- यूएई र ओमनमा जार टी–२० विश्वकपमा उपाधि दाबेदार इंग्ल्यान्डले सुखद् सुरुआत गरेको छ। दुबई अन्तर्राष्ट्रिय क्रिकेट रंगशालामा शनिबार राति सम्पन्न खेलमा इंग्ल्यान्डले वेस्ट इन्डिजविरुद्ध ६ विकेटको सहज जित निकालेको हो।

टस हारेर ब्याटिङको निम्तो पाएको वेस्ट इन्डिजले १४ ओभर दुई बलमै सम्पूर्ण विकेट गुमाएर ५५ रन बनाएको थियो। जवाफी ब्याटिङमा इंग्ल्यान्डले आठ ओभर दुई बल खेलेर चार विकेटको क्षतिमा ७० बल बाँकी रहँदै ५६ रनको लक्ष्य भेट्टायो।

पहिलो इनिङमा वेस्ट इन्डिजका क्रिस गेलले १३ रन बनाउनुबाहेक अन्य खेलाडीले जोडी अंकमा रन बनाउन सकेनन्।

बलिङतर्फ इंग्ल्यान्डका आदिल राशिदले चार विकेट लिए भने मोइन अली र टायमल मिल्सले समान २,२ विकेट लिए। त्यस्तै, क्रिस वोक्स र क्रिस जोर्डनले समान १,१ विकेट लिए।

जवाफी ब्याटिङमा जस बटलरले सर्वाधिक २४ रन बनाए। वेस्ट इन्डिजका एकिल होसेनले २ विकेट गिराए भन रवि रामपउलले एक विकेट लिए।

यससँगै समूह १ को पहिलो चरणका दुई खेल सकिएको छ। जहाँ इंग्ल्यान्डसहित अष्ट्रेलियाले जित निकाले। त्यस्तै, तेस्रो खेलमा आज बंगलादेशले श्रीलंकाको सामना गर्नेछ। सुपर १२ अन्तर्गत समूह २ को खेल आज रातिबाट सुरु हुनेछ। जहाँ इन्डियाले पाकिस्तानको सामना गर्नेछ।