इटालीबाट आएका विकासले च्यासलबाट खेल्ने

काठमाडौं– इटालीमा खेल्दै आएका नेपाली मूलका फुटबल खेलाडी विकास मेराग्लिया ए डिभिजनको च्यासल युथ क्लबमा आबद्ध भएका छन्। क्लबले शुक्रबार पत्रकार सम्मेलन गर्दै विकासलाई आबद्ध गरेको घोषणा गरेको हो अब विकासले आसन्न सहिद स्मारक ‘ए डिभिजन लिग’ च्यासल क्लबबाट खेल्नेछन्। 

‘च्यासल युथ क्लबले विगत दुई वर्षदेखि विकासलाई ए डिभिजन लिग खेलाउने प्रयास गरेको थियो। तर हाल आएर सो प्रयास सफल भएको छ। उनलाई भित्र्याउन पाउँदा सम्पूर्ण च्यासल युथ क्लब र सारा नेपाली फुटबल समर्थकहरुमा नै खुसीयाली छाएको छ’, क्लबका अध्यक्ष रमेश व्यञ्जनकारले भने।

विकास गत मंगलबार नेपाल आएका थिए। १८ वर्षीय विकासले इटालीको यु–१६ राष्ट्रिय टोली तथा एटलान्टा क्लबको युथ टिमबाट खेल्दै आएका छन्। विकास ६ वर्षको उमेरमा सन् २००८ मा इटाली गएका थिए। उनी १३ वर्षपछि नेपाल फर्किएर व्यावसायिक फुटबल खेल्न लागेका हुन्।  ए डिभिजन लिग आगामी कात्तिक २९ गतेबाट सुरु हुँदैछ।