पाकिस्तानमा आगलागीमा परी एक परिवारका सातको मृत्यु

काठमाडौं– पाकिस्तानको पूर्वी प्रान्त पञ्जाबमा आइतबार भएको आगलागीमा परी एकै परिवारमा सात व्यक्तिको मृत्यु भएको छ। 

पञ्जाब प्रान्तको मुजफारगढ जिल्लामा रहेको एक घरमा भएको आगलागीमा परी एकै परिवारका बालबालिका र महिलासहित सात व्यक्तिको मृत्यु भएको हो। सुतिरहेको अवस्थामा ठूलो आगलागी भएका कारणले उनीहरू भाग्न पनि नपाएका जनाइएको छ।  आगलागीमा परी ज्यान गुमाएकामा  चार बालबालिका र दुई महिला छन्। ती चार बालबालिका दुई महिनादेखि १० वर्षसम्मका थिए।