हिमालयन चितुवाले उचाले ‘हिट ४९ प्रोफेसनल बक्सिङ च्याम्पियनसिप’ उपाधि

काठमाडौं– ‘हिट ४९ प्रोफेसनल बक्सिङ च्याम्पियनसिप २०२१’को उपाधि बक्सर खेलाडी अविरल घिमिरेले चुमेका छन्। विश्वका युवा पुस्ताका चर्चित र अनुभवी  बक्सरलाई मात्र रिङमा उतारिने सो अन्तराष्ट्रिय प्रतियोगितामा विजयी हुने उनी पहिलो नेपाली बक्सर हुन्। 

जापानको नायोगा सहरस्थित ‘नायोगा कंग्रेस सेन्टर इभेन्ट हल’मा आइतबार सम्पन्न  ४९ औं सस्करणको सो  प्रतिस्पर्धामा अन्तर्राष्ट्रि«य बक्सर खेलाडी घिमिरेले जापानका व्यावसायिक किक बक्सर फुजीमुरालाई परास्त गरेका थिए।  उनीहरु दुवै  ‘के वान के बक्सिङ् प्रतिस्र्धा’ मा भिडन्त गरिसकेका अनुभवी खेलाडी हुन्। 

 ‘हिमालयन चितुवा उपाधि’ले विश्व प्रसिद्ध अविरलले सो प्रतियोगिता चुमेसँगै सामाजिक सञ्जालमार्फत जितका लागि आफ्ना पिता अन्तरराष्ट्रिय बक्सिङ खेलाडी एवं प्रशिक्षक देवकुमार घिमिरे, आयोजक सिमुरा डोजो सहित नेपाली खेलप्रेमीलाई सबैलाई धन्यवाद दिएका छन्। प्रतियोगिताको संयोजन जापानको चर्चित  सिमुरा डोजोले गरेको थियो। अविरलले सोही डोजोमार्फत आफ्नो प्रतिभा प्रस्फुटन गर्दै आएका छन्।