आईपीएल फाइनल : चेन्नई सुपर किंग्सले कोलकातालाई दियो १९३ रनको लक्ष्य

काठमाडौं– इन्डियन प्रिमियर लिग (आईपीएल) अन्तर्गत शुक्रबार पहिलो इनिङ सकिएको छ। यूएईमा भइरहेको खेलमा उपाधिका लागि कोलकाता नाइट राइडर्स र चेन्नई सुपर किंग्सले प्रतिस्पर्धा गरिरहेका छन्। दुबई अन्तर्राष्ट्रिय रंगशालामा टस जितेर फिल्डिङ रोजेको कोलकाताले १९३ रनको लक्ष्य पाएको छ। सुरुआती ब्याटिङका लागि निस्किएको चेन्नईले निर्धारित पूरा ओभर खेल्दै तीन विकेटको क्षतिमा १९२ रन बनाएको हो।

चेन्नईका लागि ओपनर फाफ डुप्लेसिसले सर्वाधिक ८६ रनको अर्धशतकीय पारी खेले। उनले ५९ बलमा सात चौका र तीन छक्कासहित सो रन जोडेका हुन्। अर्का ओपनर रितुराज गायक्बडले ३२ रन बनाए। त्यस्तै, रोबिन उथप्पाले ३१ रन बाए भने मोइन अलीले ३७ रन बनाए।

कोलकाताका लागि सुनिल नायरले दुई विकेट गिराए भने शिवम् मावीले एक विकेट लिए। डुप्लेसिस अन्तिम बलमा क्याचआउट भएका थिए।

चेन्नईले तीन पटक आईपीएलको उपाधि जितेको छ भने कोलकताले एक पटक उपाधि जितेको छ। साविक विजेता मुम्बई इन्डियन्स भने समूह चरणबाटै बाहिरिएको थियो।