एमालेको नाराबाजी कायम रहेपछि सभामुखले भने– संसद्को अवरोधले जनमानसमा निराशा पैदा भयो

प्रमुख प्रतिपक्षी दल नेकपा (एमाले) ले संसद्मा अवरोध कायम राखेको छ।

नेपाल समय | सोमबार, असोज २५, २०७८

नेपाल समय

सोमबार, असोज २५, २०७८

एमालेको नाराबाजी कायम रहेपछि सभामुखले भने– संसद्को अवरोधले जनमानसमा निराशा पैदा भयो

savamukh

काठमाडौं– प्रमुख प्रतिपक्षी दल नेकपा (एमाले) ले संसद्मा अवरोध कायम राखेको छ। संसद्को चालू अधिवेशन सुरु भएदेखि नै सदन अवरुद्ध गर्दै आएको एमालेले आज सोमबार पनि विरोध कायम राखेको हो।

सभामुख अग्निप्रसाद सापकोटाले बैठक सुरु भएको जनाउ दिनेबित्तिकै एमालेका सांसदहरुले बेल घेराउ गर्दै नाराबाजी सुरु गरेका थिए। सभामुखले बैठक सुचारु गर्न आग्रह गरिरहे पनि सांसदहरुले नाराबाजी नरोकेपछि बैठक अघि बढाएका छन्।

संसद्मा भइरहेको लगातारको अवरोधका कारण आम जनमानसमा निराशा पैदा भएकोले अवरोध नगर्न सभामुखले आग्रह गरेका थिए।

आजको बैठकमा सभामुखले मन्त्रिपरिषद् विस्तारबारे राष्ट्रपति कार्यालयबाट प्राप्त पत्र पढेर सुनाएका छन् भने दुईवटा विधेयक पेश भएका छन्। अर्को बैठक कात्तिक ९ गते बस्नेछ।

प्रकाशित: Oct 11, 2021| 14:36 सोमबार, असोज २५, २०७८