काठमाडौं- इन्डिया प्रिमियर लिग आईपीएलमा दिल्ली क्यापिटललाई हराउँदै चेन्नई सुपर किंग्स फाइनलमा प्रवेश गरेको छ।
दुबई अन्तर्राष्ट्रिय रंगशालामा आइतबार राति सम्पन्न खेलमा चेन्नईले दिल्लीलाई चार विकेटले हराएको हो।
खेलमा टस हारेर ब्याटिङको निम्तो पाएको दिल्लीले पुरा ओभर खेल्दै पाँच विकेटको क्षतिमा १७२ रन बनाएको थियो।
यता १७३ रनको लक्ष्यका साथे मैदान पसेको चेन्नईले दुई बल बाँकी रहँदै छ विकेट गुमाएर लक्ष्य पुरा गरेपछि उसले फाइनलमा स्थान बनाएको हो।
खेलमा दिल्लीका पृथ्वी श ले सर्वाधिक ६० रन बनाए भने चेन्नईका रितुराज गायक्वडले ७० रन जोडे। चेन्नईकै रविन उथप्पाले पनि ६३ रनको योगदान दिए।
अब चेन्नईले फाइनल खेल्नेछ। यता दिल्लीले फाइनल प्रवेशका लागि दोस्रो क्वालिफायरमा जित निकाल्नु पर्नेछ।