यस्तो छ भारतविरुद्ध नेपालको प्लेइङ सेट

काठमाडौं– नेपाली फुटबल टिमका मुख्य प्रशिक्षक अब्दुल्लाह अलमुताइरीले नेपालको प्लेइङ सेट सार्वजनिक गरेका छन्। नेपालले साफ च्याम्पियनसिप २०२१ अन्तर्गत लिग चरणको तेस्रो खेलमा भारतको सामना गर्दैछ। पछिल्लो खेलबाट नेपालले टोलीमा ३ परिवर्तन गरेको छ ।

नेपालले श्रीलंकाविरुद्ध जितबाट अन्जन विष्ट, विशाल राई र नवयुग श्रेष्ठ बाहिर छन्। प्रशिक्षक अब्दुल्लाह अलमुताइरीले मनिष डाँगी, दीनेश राजवंशी र सुजल श्रेष्ठलाई सुरुवाती एघारमा समेटेका छन्।

गोलरक्षकमा कप्तान किरण चेम्जोङले नै निरन्तरता पाएका छन्। डिफेन्डरमा अनन्त तामाङ, दिनेश राजवंशी र रोहित चन्दसँग विंगब्याकमा गौतम श्रेष्ठ र सुमन अर्याल रहेका छन्।

मिडफिल्डमा पुजन उपरकोटी र तेज तामाङ छन्। आक्रमणमा सुजल श्रेष्ठ, मनीष डाँगी र सुमन लामा छन्।

नेपालले यस खेलमा जित हासिल गरे टोली फाइनलमा प्रवेश गर्नेछ। भारत भने पराजित भए फाइनल प्रवेश गर्नबाट वञ्चित हुनेछ।