माल्दिभ्ससँग पराजित भएपछि श्रीलंका साफ च्याम्पियनसिपबाट बाहिरियो

काठमाडौं- आइतबार राति सम्पन्‍न खेलमा माल्दिभ्ससँग हार बेहोरेसँगै श्रीलंका जारी साफ च्याम्पियनसिपबाट बाहिरिएको छ।

माल्दिभ्सको माले‍स्थित राष्ट्रिय रंगशालामा भएको खेलमा घरेलु टोलीसँग १-० गोलको हार बेहोर्दै श्रीलंका प्रतियोगिताबाट बाहिरिएको हो।

खेलमा माल्दिभसका फरवार्ड अलि अशफाकले खेलको छैटौं मिनेटमा निरनायक गोल गरेका थिए। यो जितसँगै माल्दिभसले लिग चरणमा ३ खेलबाट ६ अंक बनाएको छ। उसले शीर्षास्थानको नेपालसँग बराबरी गरेको।

पराजित श्रीलंकाले लिग चरणका पूरा खेल खेलेर १ अंक जोडेको छ। उसले अघिल्लो चरणमा ईन्डियासँग  गोलरहित बराबरी गरेपछि एक अंक पाएको थियो।

श्रीलंका कुनै खेलमा जित निकाल्न नसक्दै बाहिरियो। उसले पहिलो खेलमा बंगलादेशसँग १-० को हार बेहोरेको थियो भने दोस्रो चरणको खेलमा नेपालसँग ३-२ गोलको हार बेहोरेको थियो।

आजको अर्को खेलमा नेपालले इन्डियाको सामना गर्नेछ। आजको बिजेता माल्दिभ्सले फाइनल नजिक पुगेको छ।