तालिबान समूह हतियारसहित गुरुद्वारमा प्रवेश

काठमाडौं- अफगानिस्तानलाई नियन्त्रणमा लिएको तालिबान आक्रामक बनिरहेको छ। यतिबेला तालिबानका लडाकु हतियारसहित करता परवन गुरुद्वारमा प्रवेश गरेको खबर अन्तर्राष्ट्रिय सञ्चारमाध्यममा उल्लेख छ। हतियारसहित घुसेका तालिबानले थुप्रैलाई बन्दी बनाएको बताइएको छ।

करता परवन गुरुद्वार सिख धर्मावलम्बीको पवित्र धार्मिक स्थल हो। इन्डियन वर्ल्ड फोरमका अध्यक्ष पुनीत सिंह चन्डोकले शान्तिको कुरा गर्ने तालिबानले काबुलमा थुप्रै वरवरताका घटना घटाइरहेको पाइएको छ।

चन्डोकले तालिबान लडाकुले गुरुद्वारमा पसेर त्यहाँस्थित मानिसलाई हिरासतमा लिएको बताएका छन्। तालिबान अधिकारीले गुरुद्वारमा प्रवेश गर्दै सीसीटीभी क्यामेरा तोडिदिएका थिए। यसका अलावा गुरुद्वारमा पनि तोडफोड गरिएको छ।

परवन गुरुद्वार विश्वभरका सिख धर्मावलम्बीका लागि विशेष स्थान हो। यो अफगानिस्तानको उत्तर-पश्चिमी काबुलमा पर्छ। 

अफगानिस्तानमा तालिबानले नियन्त्रण लिइसकेपछि अल्पसंख्यकहरूमाथि अत्याचार तथा बर्बरताका खबर बाहिर आइरहेका छन्। तालिबान अल्पसंख्यकको धार्मिक र जातीय पहिचानका आधारमा हत्या भइरहेको छ। तालिबानले अल्पसंख्यकको सुरक्षा गर्ने भनेको थियो। तर, त्यसो हुनसकिरहेको छैन।

- एजेन्सी