हामीबाहेक जनताको दुखकष्ट हरण गर्ने कोही छैन : ओली

'हामी बाहेक उहाँहरूको दुखकष्ट हरण गर्ने कोही छैन। हामीबाहेक उहाँहरूलाई हर्ने कोही छैन। अशिक्षा हटाउने कोही छैन। पछौटेपन हटाउने कोही छैन,' उनले भने।

नेपाल समय | आइतबार, असोज १७, २०७८

नेपाल समय

आइतबार, असोज १७, २०७८

हामीबाहेक जनताको दुखकष्ट हरण गर्ने कोही छैन : ओली

काठमाडौं- एमालेका अध्यक्ष केपी शर्मा ओलीले आफूहरूबाहेक जनताको दुखकष्ट हरण गर्ने पनि नभएको दाबी गरेका छन्। एमाले विधान महाधिवेशन समापन कार्यक्रममा सम्बोधन गर्दै उनले यस्तो दाबी गरेका हुन्।

'हामी बाहेक उहाँहरूको दुखकष्ट हरण गर्ने कोही छैन। हामीबाहेक उहाँहरूलाई हर्ने कोही छैन। अशिक्षा हटाउने कोही छैन। पछौटेपन हटाउने कोही छैन,' उनले भने, 'हामीले सय दिनमा के काम गरेका थियौँ भनेर देखाएका थियौँ। १ महिनामा देखाएका थियौँ। अहिले त अढाई महिनामा एउटा सरकार पनि पूर्ण हुँदैन। हामी सरकारबाट हट्यौँ, सुकुम्बासी, भूमीहीनका समस्या समाधान गर्ने कुरा पनि सबै हटे।'

ओलीले आफू बाँचिरहेकाले विरोधीहरूलाई चिन्तित बनाएको समेत उल्लेख गरेका थिए।

प्रकाशित: Oct 03, 2021| 17:03 आइतबार, असोज १७, २०७८