एमालेमा १५ सदस्यीय पदाधिकारी रहने, वरिष्ठ उपाध्यक्ष र उपमहासचिव पनि राखिने

ललितपुरको गोदावारीमा तीन दिनदेखि जारी एमाले विधान महाधिवेशनमा ५ उपाध्यक्ष र एक उपमहासचवसहित १५ पदाधिकारी राख्ने विधानमा व्यवस्था गर्न लागिएको हो।

नेपाल समय | आइतबार, असोज १७, २०७८

नेपाल समय

आइतबार, असोज १७, २०७८

एमालेमा १५ सदस्यीय पदाधिकारी रहने, वरिष्ठ उपाध्यक्ष र उपमहासचिव पनि राखिने

एमाले विधान महाधिवेशनस्थल, गोदावारी।

काठमाडौं- नेकपा (एमाले)मा वरिष्ठ उपाध्यक्षसहित र उपमहासिचवसहित १५ जना पदाधिकारी रहने भएका छन्। ललितपुरको गोदावारीमा तीन दिनदेखि जारी एमाले विधान महाधिवेशनमा ५ उपाध्यक्ष र एक उपमहासचवसहित १५ पदाधिकारी राख्ने विधानमा व्यवस्था गर्न लागिएको हो।

यसअघि ३ उपाध्यक्षको प्रस्ताव गरिएकोमा समूहगत छलफलका आधारमा ५ जना उपाध्यक्ष राख्न सुझाव दिइएको थियो। यस्तै प्रत्येक प्रदेशबाट ७ जना उपाध्यक्ष राख्न पनि सुझाव दिइएको थियो। तर वरिष्ठ उपाध्यक्षसहित ५ जना उपाध्यक्ष राख्न प्रस्तावलाई नै अन्तिम रूप दिने तयारी गरिएको एमालेका एक नेताले जानकारी दिए।

यसअघि उपमहासचिवको पद नै नराख्ने गरी प्रस्ताव गरिएको थियो। शुक्रबारदेखि सुरु भएको विधान महाधिवेशन आइतबार समापन हुँदैछ। विधान महाधिवेशनमा ५ हजारभन्दा बढी प्रतिनिधि सहभागी भएको एमालेले जनाएको छ।

प्रकाशित: Oct 03, 2021| 15:23 आइतबार, असोज १७, २०७८