एपीएफसँग यसरी बदला लियो न्यु डायमन्डले [तस्बिरहरू]

डायमन्डले गत वैशाखमा सिन्धुपाल्चोकमा भएको भोटेकोसी गाउँपालिका अध्यक्ष कपमा बेहोरेको हारको बदला लिएको छ। न्यु डायमन्डको सिजनको यो पहिलो उपाधि हो।

दिनेश श्रेष्ठ | शनिबार, असोज १६, २०७८

दिनेश श्रेष्ठ

शनिबार, असोज १६, २०७८

एपीएफसँग यसरी बदला लियो न्यु डायमन्डले [तस्बिरहरू]

काठमाडौं– त्रिपुरेश्वरस्थित राष्ट्रिय खेलकुद परिषद्को कभर्डहलमा शनिबार भएको खेलमा नेपाल एपीएफ क्लबलाई ३–१ को सेटमा हराउँदै न्यु डायमन्ड च्याम्पियन बन्न सफल भएको छ।

प्रतिस्पर्धात्मक पहिलो सेट गुमाए पनि डायमन्डले त्यसपछिको तीन सेट आफ्नो पक्षमा पार्दै च्याम्पियन बन्न सफल भएको हो। डायमन्डले पहिलो सेट २४–२६ ले गुमाउन पुगेको थियो। त्यसपछि डायमन्डले लगातार तीन सेट आफ्नो पक्षमा पार्न सफल भयो। डायमन्डले दोस्रो सेटमा २५–२१ र तेस्रो सेटमा २५–१७ पाएको थियो। चौथो सेटमा डायमन्डले खेल २५–१५ ले आफ्नो पक्षमा पार्दै च्याम्पियन बन्न सफल भएको हो।