ताकेफुसा कुबोको गोलमा जापानको विजयी सुरुवात

काठमाडौं- जापानी युवा खेलाडी ताकेफुसा कुबोको गोलमा जापानले घरेलु मैदानमा विजयी सुरुवात गरेको छ। टोक्यो ओलम्पिक २०२० को आफ्नो पहिलो खेलमा जापनाले दक्षिण अफ्रिकालाई १-० गोलले हराएको हो।

बन्द रंगशालामा खेलाइएको खेलमा जापानको जितका लागि खेलको ७१ औं मिनेटमा रियलका २० वर्षे खेलाडी कुबोले निर्णायक गोल गरेका थिए।

यसअघि जापाले सन् १९८८ मा मेक्सिको सिटी गेम्समा काश्य पदक जितेको थियो। त्यसपछि जापानले ओलम्पिक फुटबलमा मेडल जित्न सकेको छैन। यो वर्ष घरेलु समर्थक नभए पनि घरेलु मैदानको साथ पाएको जापान त्यो मेडलबाट अघि बढ्न चाहन्छ।

दक्षिण अफ्रिका पनि प्रतियोगितामा उत्कृष्ट खेल प्रस्तुत गर्ने लयमा हुनेछ। तर उसका दुई खेलाडीलाई कोभिड पोजेटिभ देखिएपछि उनीहरु खेल्न पाउने छैनन्।

टिमका १८ खेलाडी संक्रमित भएका खेलाडी र भिडियो एनालिस्टको सम्पर्कमा रहेका थिए। त्यसले दक्षिण अफ्रिकाको यात्रामा चुनौती देखिएको छ।