टोक्यो ओलम्पिकमा फुटबल सुरु : मेक्सिकोसँग फ्रान्स ४-१ गोलले पराजित

काठमाडौं- औपचारिक उद्घाटन भोलि (२३ जुलाईमा) भए पनि टोक्यो ओलम्पिक २०२० को फुटबल प्रतियोगिता भने सुरु भएको छ।

जापानको राजधानी टोक्यो सहरमा बिहीबार पुरुषतर्फको फुटबल प्रतियोगिता सुरु भएको हो। ओलम्पिक टिमको पहिलो खेलमा समूह सीको इजिप्टले स्पेनसँग प्रतिस्पर्धा गरेको छ। पहिलो खेलमा स्पेन र इजिप्टाले गोलरहित बराबरी खेल्दै १-१ अंक बाँडेका छन्।

अर्को खेलमा मेक्सिकोले फ्रान्सलाई ४-१ गोलले हराएको छ। मेक्सिकोका लागि अनेस्टो भेगा, फ्रान्सिस्को कोडोवा, कार्लोस अन्टुना र इडवर्ड अगुरीले गोल गरेका थिए। फ्रान्सका लागि आन्द्रै पियार जिन्याकले पेनाल्टीको अवसरलाई सदुपयोग गर्दै गोल गरेका थिए।

त्यस्तै अर्को खेलमा न्युजिल्याण्डले दक्षिण कोरियालाई हराएको छ। पुरुषतर्फ ४/४ टिमलाई चार समूहमा विभाजन गरिएको छ।

यता महिलातर्फका पहिलो दिनका ६ खेल सम्पन्न भएका छन्। सो खेलहरुमा अष्ट्रेलिया, नेदरल्याण्ड, स्वीडेन, ब्राजिल र ब्रिटेनले जित निकालेको छ। यता जापान र क्यानडाले भने १-१ गोलको बराबरी खेलेका छन्।