अमेरिका, बेलायत तथा युरोपेलीसंघले चीनमाथि लगायो साइबर हमलाको आरोप

अमेरिका, बेलायत तथा  युरोपेली संघले चीनमाथि साइबर हमलाको आरोप लगाएको छ। साइबर हमला माइक्रोसफ्ट एक्सचेन्ज सर्भरमा गरिएको उनीहरूको आरोप छ।

बेलायतले हमलाका लागि चीन सार्थित पक्षलाई दोषी ठहर गरेको छ। युरोपेली संघ तथा अमेरिकाले पनि बेलायतको भनाईलाई समर्थन गरेको छ।

उनीहरूले चीनको मिनिस्ट्री अफ स्टेट सेक्युरिटीले दुस्साहसले भरिएको बृहत्त जासुसी गतिविधि गरिरहेको आरोप लगाएका छन्। साइबर हमलाका कारण विश्वभर ३० हजार सर्भर प्रभावित भएका थिए।

चीनले यसअघि नै साइबर आक्रमणमा आफ्नो संलग्नता नरहेको दाबी गरेको थियो। चीनले आफू कुनै पनि अपराधको साक्षी नरहेको बताइसकेको छ।

साइबर हमलाबाट जोगिन बेलायतको नेशनल साइबर सेक्युरिटीले यसबारे ७० भन्दाबढी प्रभावित संस्थालाई अनीहरूको अवस्थाबारे जानकारी दिनुका साथै सुझाव दिएको थियो। बेलायत अमेरिका र युरोपेली संघले साइबर हमलालाई लिएर गम्भीर चिन्ता व्यक्त गरेका छन्।