पश्चिम युरोप बाढी : मृतक संख्या १२० पुग्यो, १३ सय भन्दा बढी बेपत्ता

भीषण बाढीका कारण पश्चिम युरोपमा ज्यान गुमाउनेको संख्या १ सय २० जना पुगेको छ।

बिहीबार जर्मनीमा आएको भीषण बाढीमा परि करिब १ सय भन्दा बढीको ज्यान गएको छ भने १ हजार ३ सय भन्दा बढी बेपत्ता भएका छन्।

जर्मनीसँगै बेल्जियममा बाढीका कारण २० जनाको मृत्यु भएको छ। त्यस्तै बाढीबाट नेदरल्याण्ड्स, लक्जेम्बर्ग र स्वीट्जरल्याण्डसमेत प्रभावित बनेका छन्।

जलवायु परिवर्तनका कारण पश्चिम युरोपमा भीषण बाढी आएको अुनमान गरिएको छ। एम महिनामा पर्ने पानी करिब ९ दिनभित्र परेको त्यहाका मौसम विभागले जनाएको छ। जर्मनीमा ९ घण्टाको अवधिमा १ सय ५० मिलिलिटरदेखि २ सय मिलिलिटरसम्म पानी परेको छ।

बाढीले भौतिक संरचना तहसनहस गर्नुका साथै सयौं घर बगाएको छ। बाढीमा परी ज्यान गुमाउने र बेपत्ता भएकाहरूको संख्या बढ्दै गएपछि जर्मनीले करिब १ हजार ५ सय सैनिकलाई राहात र उद्दारमा खटाएको छ। उक्त टोलीले अहिले पनि उद्दार र राहतको काम गरिरहेको छ। बीबीसी