भ्रष्ट्राचार मुद्दामा कैद सजाय तोकिएका चालिसे जेल चलान

काठमाडौं– भ्रष्ट्राचार मुद्दामा सर्वोच्च अदालतले १ बर्ष ६ महिना कैद तथा १० लाख रुपैयाँ जरीवानाको सजाय तोकिएका सम्पत्ति शुद्धिकरण विभागका पूर्व अधिकृत शम्भुप्रसाद चालिसेलाई बिहीबार जेल चलान गरिएको छ।

केन्द्रीय अनुसन्धान ब्यूरोले चालिसेलाई बिहीबार बिहान पक्राउ गरी काठमाण्डौ अदालतमा पेश गरेको थियो। अदालतले कैद भुक्तानीकोे लागी डिल्लीबजार कारागार पठाईएको सिबिआईले जनाएको छ।
२०७१ साउन ११ गते अख्तियार दुरुपयोग अनुसन्धान विभागले चालिसेलाई १० लाख नगद घुस लिँदै गर्दा समातेको थियो। 

सम्पत्ति शुुद्धिकरणमा मद्दा मिलाई दिने भन्दै घुस मागेका चालिसेलाई  पिडितको उजुरीको आधारमा अख्तियारको टोलीले रकमसहित ललितपुरको सैबुबाट पक्राउ गरेको थियो।
 
सर्वोच्चको आदेशको अटेर गर्दै फरार रहेका धादिङ नौबिसेका चालिसेलाई कलंकिबाट पक्राउ गरिएको सिविआईका  प्रवक्ता प्रहरी उपरिक्षक  कृष्णहरी शर्माले बताए।