सुमोको ठक्करबाट सिनामंगलमा महिलाको मृत्यु

काठमाडौँ- काठमाडौंको सिनामंगलमा टाटा सुमोको ठक्करबाट एक महिलाको मृत्यु भएको छ । सिनामंगलस्थित प्रहरी चौकी नजिकै ना १ ज ४२५० नं को टाटा सुमोले ठक्कर दिदा दोलखाकी गोमा भुजेलको मृत्यु भएको हो । 

४७ वर्षीया भुजेललाई  पैदलयात्राका क्रममा राति करीब १० बजे टाटा सुमोले ठक्कर दिएको प्रहरीले जनाएको छ । 

ठक्करबाट गम्भीर घाइते भुजेललाई उपचारका लागि स्थानीय काठमाडौँ मेडिकल कलेज लगिएकोमा उपचारका क्रममा राति १०ः३० बजे मृत्यु भएको प्रहरीले जनाएको छ । 

दुर्घटनामा संलग्न सवारीसाधन र चालक सानेपा चौकीस्थित प्रहरीको नियन्त्रणमा रहेको जनाइएको छ ।