आजका अखबारः संकल्प एकताको, प्रतिस्पर्धा गुटको

काठमाडौं- राजधानीबाट प्रकाशित बुधबारका सबैजसो राष्ट्रिय दैनिक पत्रिकाहरुले प्रधानमन्त्रीको चीन भ्रमण र कांग्रेसको जिल्ला सभापति भेलामा उठेका विषयलाई मुख्य समाचार बनाएका छन् । 

६ दिने भ्रमणका लागि मंगलबार चीन गएका प्रधानमन्त्री केपी ओलीले आज चीनियाँ राष्ट्रपति सी चिनफिङसंग भटवार्ता गर्दैछन् । भेटका क्रममा महत्वपूर्ण सम्झौता हुनसक्ने र पुराना सम्झौता कार्यान्व्यनमा विषयमा छलफल हुने बताइएको छ । 

यसैविषयलाई आजको नागरिक दैनिकले 'प्रधानमन्त्री बेइजिङमाः सहकार्यमा ओलीका ६ सूत्र' शीर्षक दिएर खबर छापेको छ भने अन्नपूर्ण पोस्ट्ले 'ओली–सी भेटवार्ता आज' शीर्षक दिएर खबर लेखेको छ । यस्तै नयाँ पत्रिका, कान्तिपुर दैनिक, राजधानीलगायतका दैनिक अखबारहरुले पनि यो विषयलाई महत्वका साथ पहिलो पृष्ठमा छापेका छन् ।
 
यसैगरि आजका पत्रपत्रिकाहरुले नेपाली कांग्रेसको हेटौँडामा जारी जिल्ला सभापतिको भेलाको विषयलाई पनि प्राथमिकतामा पारेका छन् । पार्टीको हारका विषयमा समिक्षा गर्दै नयाँ रणनीति तय गर्न भन्दै काग्रेसल जिल्ला सभापतिहरुको भेला मंगलबारबाट सुरु गरेको हो । 

यसै विषयलाई मुख्य समाचार बनाउँदै नयाँ पत्रिकाले 'कांग्रेस जिल्ला सभापतिको भेलाः संकल्प एकताको प्रतिस्पर्धा गुटको' शीर्षक दिएर छापेको छ । कान्तिपुर दैनिकले 'कांग्रेसमा तल्ला अधिवेशनको माग' शीर्षकमा खबर लेखेको छ । नागरिक दैनिकले भने 'चुनावमा कांग्रेस हारको जिम्मा हैसियतअनुसार' शीर्षकमा खबर छापेको छ । 

आजको नागरिक दैनिकले सर्वोच्च अदालतले दिएका आदेशहरु सरकारले कार्यान्व्यन नगर्ने गरेको सन्दर्भ उठाउदै 'सर्वोच्च अदालतलाई टेर्दैन सरकार' शीर्षकमा खबर लेखेको छ ।

अन्नपूर्णले प्रदेश र स्थानीय सरकारलाई दिइएको अनुदान फ्रिज भए संघिय सरकारको खातामा आउने व्यवस्था गरेर सरकारले प्रदेश र स्थानीय तहको अधिकारमा अंकुश लगाउन खोजेको विषयलाई पनि उठान गरेको छ ।