आइजीपी अमेरिका उडेपछि एसपी तथा डिएसपीको सरुवा सूची सार्वजनिक

काठमाडौं- नेपाल प्रहरीका महानिरीक्षक सर्वेन्द्र खनाल अमेरिका उडे लगत्तै मुख्यालयले एसपी र डिएसपीको सरुवा सूची सार्वजनिक गरेको छ। दबाब छल्नका लागि आइजीपी खनालले आफू उडेपछि मात्र सूची सार्वजनिक गर्न लगाएको स्रोतले बतायो।

आइजीपी खनाल र सशस्‍त्रका महानिरीक्षक शैलेन्द्र खनाल आइतबार राति अमेरिका प्रस्थान गर्ने भएका छन्।युनाइटेड मिसन चिफ अफ पुलिस समिटमा भाग लिन उनीहरु अमेरिका जान लागेका हुन् ।

प्रहरीमा हालै बढुवा भएका नेपाल प्रहरीका २८ एसपीको पदस्थान भएको छ।

बढुवा भएका एसपीको पदस्थापनसँगै केहीको सरुवा भएको छ । एसपी अच्यूतप्रसाद पुडासैनी प्रहरी प्रधान कार्यालय आतंकवाद नियन्त्रण महाशाखा पुगेका छन् । त्यसै प्रतापकुमार गुरुङ प्रहरी प्रधान कार्यालय र्इन्टरपोल शाखाबाट प्रहरी प्रधान कार्यालय जगेडापुल पुगेका छन् । योसँगै नेपाल प्रहरीले आइतबार विभिन्न १६ वटा निर्णय गरेको छ ।

हेर्नुहोस पदस्थापना भएका नेपाल प्रहरीका एसपीहरुको सूची