बाढीपछि गृहजिल्ला पुगे स्वास्थ्यमन्त्री तामाङ

काठमाडौं- सिन्धुपाल्चोकमा मंगलबार राति अविरल वर्षापछि आएको बाढी र पहिरोले ठूलो धनजनको क्षति गरेको छ। घटनस्थलमा केन्द्रीय सरकारका तर्फबाट स्वास्थ्य तथा जनसंख्या मन्त्री शेरबहादुर तामाङसहितको टोली घटनास्थल पुगेको छ।

उनीसँगै घटनास्थल पुगेका तामाङका स्वकीय सचिव निर्मल बन्जाराले नेपाल समयसँग कुरा गर्दै मेलम्ची बजारमा ५० प्रतिशत घर डुबारमा परेको बताए। उनले आफूहरू घटनास्थल पुगेर उद्धारमा जुटेको बताए।

'तीन ओटा झोलुङ्गे पुल बगेका छन्। सात जना मानिस बितेको खबर सिडियोबाट प्राप्त भएको छु,' उनले भने। उनले मेलम्ची खानेपानी रहेको हेड अफिसको मुख्या क्याम्प बगाएको भन्ने खबर आएकाले ठूलो मानविय क्षति हुनसक्ने आकलन गरिएको बताए।

उनले अझै ३० जनाजति जना हराएको भन्ने खबर आएको बताए। उनले स्वास्थ्यमन्त्रीसँगै पूर्वमन्त्री दावा तामाङलगायतका व्यक्ति उद्धारमा जुटेको उबताए। केही चिनियाँ नागरिकसमेत सम्पर्क बिहीन भएको सूचना आएको उनले जानकारी दिए।