पुलमा एम्बुलेन्स ठोक्किँदा चालकको ज्यान गयो  

जनकपुरधाम-धनुषामा एम्बुलेन्स दुर्घटनाहुँदा चालकको मृत्यु भएको छ । पूर्व–पश्चिम सडक खण्डको मिथिला नगरपालिका–५ स्थित बस्सी पुलमा भएको दुर्घटनामा एम्बुलेन्स चालक धनुषाको शहीदनगर नगरपालिका–१ बस्ने २३ वर्षीय सन्तोषकुमार रायको घटनास्थलमा मृत्यु भएको हो ।

पूर्वबाट पश्चिततर्फ जाँदै गरेको दनुवार जागरण धनुषाको ज १ च १२०५ नम्बरको एम्बुलेन्स पुलको पेटीमा ठोक्किएर दुर्घटना भएको जिल्ला ट्राफिक प्रहरी कार्यालय धनुषाले जनाएको छ । पुलको पेटीमा ठक्कर दिएको एम्बुलेन्सको स्टेरिङमा चेपिएर चालक रायको मृत्यु भएको बताइएको छ ।