नेपालमा थप ६१ संक्रमितको मृत्यु, मृतकको संख्या ८ हजार ३६६ पुग्यो

काठमाडौं- विगत २४ घण्टामा नेपालमा थप ६१ जना कोरोना संक्रमितको मृत्यु भएको छ। योसँगै नेपालमा कोरोना संक्रमित मृतकको संख्या ८ हजार ३६६ जना पुगेको स्वास्थ्य तथा जनसंख्या मन्त्रालयले अद्यावधिक गरेको विवरणमा उल्लेख छ। 

पछिल्लो २४ घण्टामा देशभर ३ हजार ३८४ जनालाई कोरोना भाइरसको संक्रमण पुष्टि भएको छ। २ हजार ३८२ जनाको पीसीआर र १ हजार २ जनामा एन्टिजेन परीक्षणमा कोरोना पोजेटिभ देखिएको हो। 

उक्त अवधिमा ६ हजार २९५ जना कोरोना संक्रमणमुक्त भएका छन्। मन्त्रालयका अनुसार विभिन्न मितिमा नेपाली सेनाले व्यवस्थापन गरेको शवसमेत गरी शनिबार ६१ मृतक थपिएका छन्। 

योसँगै नेपालमा ६ लाख ६ हजार ७७८ जनालाई संक्रमण भएको पीसीआर विधिमार्फत् पुष्टि भएको छ भने १९ हजार ७५७ जनालाई एन्टिजेन विधिमार्फत् संक्रमण भएको पुष्टि भएको छ। यीमध्ये ५ लाख २७ हजार १११ जना संक्रमणमुक्त भएका छन् भने ८ हजार ३६६ जनाको मृत्यु भएको छ। 

पछिल्लो २४ घण्टामा ८ हजार ५०६ जनाको पीसीआर र ५९८८ जनाको एन्टिजेन परीक्षण भएको छ।