भारतले चीनसँग भन्यो- हाम्रा नागरिकलाई भ्रमणमा रोक नलगाइयोस्

दुवै तर्फबाट आवतजावत गर्ने वातावरणका लागि भारतले चीनलाई आग्रह गरेको हो। भारतको विदेश मन्त्रालयले भारतमा चिनियाँ नागरिकहरुलाई आवतजावत गर्न दिन भारत तयार रहेको स्पष्ट पारेको हो।

नेपाल समय | बिहीबार, जेठ २७, २०७८

नेपाल समय

बिहीबार, जेठ २७, २०७८

भारतले चीनसँग भन्यो- हाम्रा नागरिकलाई भ्रमणमा रोक नलगाइयोस्

नयाँदिल्ली- भारतले आफ्ना नागरिकहरुलाई चीन भ्रमणका लागि अनुमति दिन चीनलाई अनुरोध गरेको छ। भारतले चिनियाँ नागरिकहरुलाई भारत भ्रमण गर्न दिन पनि तयार रहेको समेत बिहीबार जानकारी दिएको छ।

भारतले विषेश गरेर भारतमा कामका लागि र अध्ययनका लागि आउन चाहने चिनियाँहरूका लागि सहजै आवत जावत गर्न दिन चाहेको मन्त्रालयले उल्लेख गरेको छ। चीनले पनि काम तथा अध्ययनका लागि चीन आउन चाहने भारतीय नागरिकहरूलाई अनुमति दिन भारतसँग यसअघि नै आग्रह गरेको थियो।

बिहीबार भारतसमेतले आफ्ना नागरिकलाई चीन आउन दिन चीनसँग माग गरेपछि दुवै पक्षका लागि बाटो खुल्ने भएको छ।

प्रकाशित: Jun 10, 2021| 15:54 बिहीबार, जेठ २७, २०७८