१६ लाख लुटेर भागेका दई जना समातिए

काठमाडौं- हातहतियार देखाइ १६ लाख लुटेर भागेका दुई जनालाई प्रहरी नियन्त्रणमा लिएको छ । 

भक्तपुर सुर्यविनायक नगरपालिका–८ गणेश चोकस्थित मनोहर बस्नेतको घरमा डेरा गरि बस्ने राम बहादुर तामाङको डेराबाट १६ लाख ७ हजार ९०० रुपैयाँ बराबरको  नगद तथा  गरगहना  लुटर फरार भएका दुई जनालाई नियन्त्रणमा लिइएको प्रहरीले जानकारी दिएको छ । 

उनिहरुलाई महानगरीय प्रहरी अपराध महाशाखा काठमाडौंको बिशेष टोलीले शुक्रबार ललितपुरको भैसेपाटिबाट पक्राउ गरेको हो । 

पक्राउ पर्नेमा रामेछाप दोरम्बा ३ सिगौचाका रोहित बहादुर थापा र सिन्धुपाल्चोक मेलम्ची नगरपालिका  १ झाक्रे गाँउका टोपबहादुर तमाङ छन ।

गत फागुन १० गते राति २ बजे रामबहादुर तामाङको डेरामा गई पेस्तोल र खुकुरी देखाई हातखुट्टा बाँधेर लुटपाट गरेको महाशाखाले जनाएको छ ।