हामीले खोप लगायौँ [७ तस्बिर]

लामो सयमको प्रतीक्षापछि खोपको व्यवस्था गरिएको भन्दै उनीहरू खुशी देखिन्थे। हातमा नागरिकताको प्रमाणपत्रसहित उपस्थित भएका उनीहरू खोप लगाएपछि आधा घण्टा खोप केन्द्रमा नै बसे। सरकारले खोप लगाइसकेपछि आधा घण्टा केन्द्रमा नै बस्नुपर्ने व्यवस्था गरेको छ।

दिनेश श्रेष्ठ | मंगलबार, जेठ २५, २०७८

दिनेश श्रेष्ठ

मंगलबार, जेठ २५, २०७८

काठमाडौं- काठमाडौं उपत्यकामा ६० देखि ६४ वर्ष उमेर समूहका नागरिकलाई कोरोना भाइरसविरुद्धको खोप लगाइएको छ। मंगलबारदेखि उपत्यकाबाहिरका जिल्लामा ६२-६४ वर्षका व्यक्तिलाई खोप लगाइएको भएपनि उपत्यकामा भने ६०-६४ वर्षका व्यक्तिलाई खोप लगाइएको हो।

चीन सरकारले पछिल्लो पटक अनुदानमा ८ लाख डोज खोप पठाएपछि मंगलबारबाट खोप लगाउन सुरु गरिएको हो। उपत्यकाका विभिन्न स्थानलाई खोप केन्द्र तोकी खोप लगाउने क्रम जारी छ। ललितपुरको खोकना खोप केन्द्रमा पुगेर हामीले केही तस्बिर लिएका छौँ।

तस्बिरहरू